پەیامی سەرەخۆشیی سەرۆک بارزانی بۆ کۆچی دوایی ھونەرمەند زاھیر عەبدوڵڵا
ھەولێر-KDP.info- بۆ کۆچی دوایی ھونەرمەند زاھیر عەبدوڵڵا، سەرۆک بارزانی پرسەنامەیەک ئاراستەی خانەوادەی ناوبراو دەکات.
دەقی پرسەنامەکەی سەرۆک بارزانی.
بەناوی خودای مەزن و دلۆڤان
بەداخێکی زۆرەوە ھەواڵی کۆچی دوایی ھونەرمەندی بواری شانۆ و دراما (زاھیر عەبدوڵڵا)ـم پێ گەیشت.
زاھیر عەبدوڵڵا کەسایەتی و ھونەرمەندێکی نیشتیمانپەروەر و دیاری ھەولێر بوو کە دڵسۆزانە خزمەتی شانۆ و درامای کوردی کردووە.
سەرەخۆشیی خۆم ئاراستەی خانەوادە و کەسوکار و ئاشنایانی زاھیر عەبدوڵڵا و تەواوی ھونەرمەندانی کوردستان دەکەم و خۆم بە ھاوبەشی خەمیان دەزانم.
لە خودای گەورە داواکارم ڕۆحی خوالێخۆشبوو بە بەھەشتی بەرین شاد بکات و سەبر و ئارامی بە ھەموو لایەک ببەخشێت.
انا للە و انا الیە راجعون
مسعود بارزانی
٢٣ـی تشرینی دووەمی ٢٠٢٤
