نێچیرڤان بارزانى ژ نێزیكتر ڤه
حسێن قایدى
ل سالا 2014ێ ئێزدى كو پێكهاته‌كا ئۆلى یا ئیراق و هه‌رێما كوردستانێ پێكدئین، كه‌فته به‌ر مه‌زنترین كاره‌ساتا مرۆڤى د چه‌رخێ 21ێ دا و رێكخستنا تیرۆرستیا داعشێ ل ده‌ما داگیركرنا ده‌ڤه‌رێن ئێزدییان و ب تایبه‌ت ژى شنگالێ هزاران كچ و ژن و زاڕۆیێن ئێزدى ره‌ڤاندن، ب گۆڕكرن، د گۆڕێن ب كۆم دا كوشتن و كچ و ژن ژى كرنه سه‌بیه و ل بازاران كرین و فرۆشتن پێ كر.
سه‌رۆكێ حكومه‌تا هه‌رێما كوردستانێ، یێ وی دەمی نێچیرڤان بارزانى ب رێكا نڤیسینگه‌ها خۆ هه‌موو رۆله‌كێ میحوه‌رى یێ سه‌ره‌كى گێڕا و سه‌نته‌رێ كارێ خۆ كره دۆسییا رزگاركرنا كچ و ژنێن ئێزدى ل شنگالێ.
ب دبلۆماسییه‌ت و كارێ خۆ یێ هویر و دویربین، نێچیرڤا بارزانى دیتنه‌كا دویر و وێره‌ك بۆ رزگاربوویان هه‌بوو، نه‌خۆشى و ده‌رده‌سه‌ریێن گرتییان بۆ چیرۆكێن سه‌ركه‌فتنێ و ڤه‌گه‌ڕاندن بۆ ناڤا خێزان و كه‌سوكارێن وان گوهۆڕین و پشكداریه‌كا مه‌زن ب رێكا بجهئینانا دادپه‌روه‌ریێ و ڤه‌گه‌ڕاندنا مافێن وان د ناڤا كۆمه‌لگه‌هێ دا كر كو پێشتر ژ ده‌ست درنده‌ترین رێكخستنا تیرۆرستى ل سه‌ر ئاستێ جیهانێ د نالین.
رێزدار نێچیرڤان بارزانى بۆ مه‌ره‌ما رزگاركرن و خزمه‌تكرنا وان نڤیسینگه‌ها تایبه‌ت یا رزگاربوویان ڤه‌كر و هه‌رده‌م په‌یاما وى بۆ یێن د ده‌ستێ داعشێ دا ئه‌و بوو كو، ئه‌و ئێش و ئازارێن وان دیتین ب په‌یڤان ناهێنه وه‌سفكرن، لێ وێره‌كییا وان و رژدییا وان بۆ مانا ژیانێ هێزه‌كا دى دده‌ته گیانێ مرۆڤایه‌تیێ، به‌رامبه‌ر مه‌زنترین كاودانان و هه‌ر كچه‌كا د ده‌ست داعشێ دا ب سیمبوولا هێز و جاره‌كا دى رابوونێ ب ناڤ دكر، چیرۆكێن وان ب دوباره رۆناهییا بچووك بۆ ڤه‌گه‌ڕاندنا رۆناهیه‌كا وه‌كى رۆژێ دیاردكر، ئه‌و كاودانێن كچ و ژن تێڕا ده‌رباز بووین ب ئه‌زموونه‌كا سه‌خت دیار كرن، مرۆڤایه‌تیبوون و بێ ده‌نگییا وان ژى ب مه‌زنتر و بهێزتر ژ هه‌موو سته‌م و زۆرییان وه‌سفكر، هه‌ر ده‌م نێچیرڤان بارزانى كچێن د ده‌ست داعشێ دا نه‌بتنێ ب قوربانى به‌لكو ب قاره‌مانێن چیرۆكێن ژیان و كه‌رامه‌تێ دیتینه، چیرۆكێن وان ل سه‌رانسه‌رى جیهانێ ب ده‌نگڤه‌دان دیاركرینه.
نێچیرڤان بارزانى ترسا كچ و ژن ژێ د نالین ژبیر نه‌دكر، هه‌رده‌م ژى ل وی باوه‌رێ بوو، دڤێت كار بۆ ڤه‌گه‌ڕاندنا وان بهێته‌كرن ب چ ئاوا بیت، دڤیا ل جهێن جودا و به‌رزه و قولاچێن تارى ل ژێر سته‌م و زۆرییا دڕنده‌ترین رێكخستنا تیرۆرستى ده‌ربێخیت و ب پێناسه‌یا وێره‌كیێ و مرۆڤایه‌تیێ ب بێ ده‌نگییا د تاریێ دا ددیتن و ب باوه‌ر بوو، كو ئه‌و كچ و ژن ب ئاراسته‌یا كۆترێن سپى دێ پێنگاڤان هاڤێن و ل نێزیك دێ چه‌نگێن وان هێن و جاره‌كا دى دێ ده‌رگه‌هێن په‌نجه‌ران ل وان هێنه ڤه‌كرن و دێ ڤه‌گه‌ڕن و فڕنه ناڤا سروشتێ وه‌لاتێ خۆ و باوه‌شا كه‌سوكارێن خۆ.
ئه‌ڤ یه‌كا نێچیرڤان بارزانى ب دووربینى ددیت ل ده‌مه‌كى كورت بوو كریار و ل سه‌ر ئه‌ردێ واقع هاته بجهئینان، ئێدى ژ قۆناغا رۆنكێن خێزانێن گرتییان بوونه رۆندكێن ڤه‌گه‌ڕاندنێ و كچ و ژنێن رزگاربووى هێمایێ هێز و بێده‌نگیێ و ئیراده‌یا بهێز دانه دیاركرن، ل باوه‌رێ یه وان رزگاربوویان نه‌خۆشترین كاودان ده‌ربازكرینه و گه‌شتا وان یا پڕى هه‌ڤڕكیێن پڕى توندوتیژى بوو، لێ ب هێز و وێره‌كییا وان بۆ جیهانا سته‌م ل وان كرى دكر.
هه‌ر رزگاربوویه‌ك ب به‌لگه‌یه‌ك بۆ گیانێ مرۆڤایه‌تیێ و شیانێن وی ب سه‌ر مه‌زنترین كاودان و نه‌خۆشى دا ب سه‌ركه‌فتن نیشان ددا، هه‌رده‌م ل باوه‌رێ بوو كو ژ ئیرادا كچ و ژنێن ئێزدى بهێز تر نینه و ل پتریا مه‌حفه‌ل و ل بیرئینان و د روونشتن و كۆمبوونێن ل گه‌ل سه‌رۆك و سه‌ركرده و دبلۆماتكار و كونسل و هنارتیێن وه‌لاتان ژى دیاردكر، كو رزگاربووى و گرتى نه بتنێ نه د ڤێ گه‌شتێ دا به‌لكو كۆمه‌لگه‌هـ و جڤاك و هه‌موو جیهان ب پشته‌ڤان ل گه‌ل وان ددا رێ.
ئه‌ڤا جه‌نابێ نیچیرڤان بارزانى هزر دكر كو كاودانێ كچ و ژنێن ئێزدى تێدا ده‌ربازبووین دێ بۆ هێزێ ڤه‌گه‌ڕن و چیرۆكێن وان دێ داخباریێ و سه‌رسورمانێ پڕ كه‌ت ژ خۆ، ب دوورمه‌ودایه‌كێ كێم هاته هه‌بوونێ و ئێدى هه‌ڤڕكى و ترسا وان كچ و ژنان دیتى ل مه‌حفه‌لێن نێڤده‌وله‌تى بوونه چیرۆكێن سه‌ركه‌فتنێ و وێره‌كییا وان جودابوونا ل گه‌ل مرۆڤێن دى دیاركر.
هه‌روه‌سا نێچیرڤان بارزانى رۆله‌كێ سه‌ره‌كى د گۆتارێن خۆ یێن كێم و كورت و پۆخت دا گێڕا كو كچ و ژنێن رزگاربووى د ناڤا كۆمه‌لگه‌هێ دا ب كۆكا پاقژیێ وه‌سفكرن و ژ كۆمه‌لگه‌هـ و جڤاكێن كوردى و ئێزدییان ژى د خواست ب ئه‌ڤینى و ڤیان ل گه‌ل وان بن و هه‌ر ئه‌و بوو یا هاتییه پێش كو نوكه ژى ل پترییا جهان ل ده‌ما ئاماده‌بوونا كچ یان ژنه‌كا رزگاربووى ب هێما و جوانى و پاقژى دهێته پێش چاڤ و دیاركرن.
