سەرۆک بارزانی سەرەخۆشی لە شێخ نەهرۆ کەسنەزانی دەکات

هەولێر-KDP.info- سەرۆک بارزانی پرسەنامەیەکی ئاراستەی شێخ نەهرۆ کەسنەزانی ڕێبەری تەریقەتی قادری کرد بۆ کۆچی دوایی پەرلەمانتار غاندی محەممەد کەسنەزانی برایەوە.

دەقی پرسەنامەکەی سەرۆک بارزانی.

بەناوی خودای مەزن و دلۆڤان

بەڕێز شێخ نەهرۆ کەسنەزانی ڕێبەری تەریقەتی قادری

بەداخێکی زۆرەوە هەواڵی کۆچی دوایی (غاندی شێخ محەممەد کەریم)ـی برای بەڕێزتانمان پێگەیشت.

پرسە و سەرەخۆشیی خۆم ئاراستەی ئێوە و خانەوادەی بەڕێزتان و کەسوکارتان دەکەم و خۆم بە هاوبەشی خەمتان دەزانم.

لە خودای گەورە داواکارم ڕوحی برای خوالێخۆشبووتان بە بەهەشتی بەرین شاد بکات و سەبر و ئارامی بە هەموو لایەک ببەخشێت.

انا للە و انا الیە راجعون

مسعود بارزانی

٢٨ی تەممووزی ٢٠٢٤