پەیامی سەرۆك بارزانی بەبۆنەی جەژنی ڕەمەزانی پیرۆز
ھەولێر-KDP.info- سەرۆک بارزانی بەبۆنەی جەژنی رەمەزانی پیرۆز، پەیامێکی پیرۆزبایی راگەیاند کە ئەمە دەقەکەیەتی:
بەناوی خودای بەخشندە و میهرەبان
بەبۆنەی هاتنەوەی جەژنی ڕەمەزانی پیرۆزەوە پیرۆزباییەكی گەرم لە هەموو موسڵمانانی جیهان و عێراق و كوردستان دەكەم. جەژنە پیرۆزە لە یەكە بە یەكەی خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی كوردستان دەكەم.
لەو بۆنە پیرۆزەدا لە خودای گەورە داواكارم ڕۆژوو و عیبادەتی هەموو موسڵمانانی قبووڵ بكات. هیوادارم ئەو جەژنە ببێتە مایەی ئارامی و ئاشتی بۆ هەموو جیهان و ناوچەكەمان و، بەختەوەری و ئاسوودەیش بۆ خەڵكی خۆشەویستی كوردستان بێتە دی.
جەژنتان پیرۆز و لە خۆشیدا بن.
مسعود بارزانی
۳٠ی ڕەمەزانی ۱٤٤٥ی کۆچی
۹ـی نیسانی ۲٠۲٤
